顽石の碎碎念

过埋今日，就真系要同2009年讲声再见啦！ 回顾2009年，到底留低啲乜嘢畀自己咧？有点乜嘢成就咧？有点乜嘢遗憾咧？唔。。。唔。。。唔。。。谂咗好耐，都好似冇乜成就喔！唔系吖嘛？咁失败？唔得唔得，一定有点嘢嘅，一定有啲成就嘅，再畀我谂多少少时间。 啊！有啦！成就10大！ 01. 喺今年2月过年前，分咗手，伤咗人哋嘅心，亦都帮咗人。（咁都算成就？）梗系，见到佢咁有成就我都好开心噶！再见亦是朋友，大家都过得好好，希望大家都好好咁过。 02. 今年5月安装咗网络，从此做返喺现今社会生活嘅都市人。（以前好OUT噶！乜Q都唔知！） 03. 因为有咗网络，所以有咗面子书；因为有咗面子书，所以生活唔再孤单。（搞到我生活好充足，唔再自己同自己讲话啦！） 04. 11月开始写部落格。（终于做返啲有用嘅嘢！） 05. 脾气臭咗。（乜话？！呢嗰都算成就？）知道自己嘅缺点喺边总好过唔知自己错喺边吖嘛！系咪呀？呢嗰唔系成就咩？ 06. 老咗一岁。（吓？咁都得？）有得老好过冇得老啊！懵佬！ 07. 变咗宅男。（少出街，唔阻街；唔乱嘥钱，需要储钱；少食快餐，唔驶咁残！） 08. 细路比以前生性咗好多，我哋嘅关系亦都比以前好。（老嚟安慰，老窦老妈子都安慰啦！） 09. 识咗多哋朋友，冇咁自闭啦。（咪识咗之后收住喺手机度孵蛋冇联络，要多啲联络沟通先之得嘎！） 10. 成就咗以上嘅成就，因为一切嘅一切都冇计划过嘎！（汗颜！！！） 哎呀！真系冇乜成就啊！冇鱼攞啲虾嚟充王添！ 遗憾10大！ 01. 今年冇出到国旅行！（去咗新加坡一日游算唔算啊？） 02. 带老窦老妈子出国旅行嘅计划只系计划，未实行到。（明年啦！） 03. 仲未买到属于自己嘅屋。（明年啦！）又系明年？人生有几多嗰十年啊？ 04. 仲未学识游水。（包括游干水！） 05. 工作还算得，未至于高兴满足。（点解嗰嗰都掂过我？） 06. 青丝越来越少，烦恼越来越多。（青丝咪就系烦恼咩？点解青丝少而烦恼就多咧？） 07. 每次洗衫，隔日就落雨嘅，准过天气报告。（样衰，连天气都吓我，32岁啫，咁快就需要执返正啲样？） 08. 周不时畀人误会我，冤枉我。（又系衰样衰！真系需要神奇水啦！） 09. 冇真正试过豪气血拼嘅滋味，买嘢买到手攰。（银包细，钱银细，行到脚攰就时时有。） 10. 杀人放火，...

喺呢嗰面子书统一天下嘅时代，有几多嗰人仲会写部落格咧？改朝换代了？抑或系贪新厌旧咧？ 每当你post上你最新嘅讯息喺你面子书嘅wall度，有几多嗰人会见到咧？每一嗰人都好勤力咁一直update佢哋嘅wall，一分钟闲闲哋就有几只，唔驶几耐你update嘅资料就被佢哋掩盖了。果哋你一直会见到佢哋出现嘅，肯定攞最佳勤力参与奖咯。 面子书度游戏多得是，曾几何时，我都好活跃参与，甚至可以讲中毒咁滞。唔单止玩一个游戏，系玩好多嗰游戏啊，忙到不得了。每日放咗工返到屋企，肯定第一时间入面子书，见佢多过见太阳。真系非常之不得了，咁嘅生活好唔健康，但系依然愿意继续去唔健康，死咪？唯有逼自己唔玩咁多，好彩行得通，依家减少玩好多游戏啦。 其实面子书嘅出现系好事啶系坏事咧？呢嗰要睇嗰人而定咯，要睇你系善用面子书啶系滥用面子书。面子书可以令你失去工作，亦都可以帮你搵返失去联络多年嘅朋友。面子书可以为你打开，扩大生活圈子，亦都可以令你泛滥识人，暴露行踪，陷入窟境。 可能过多几年，面子书会被其他新嘢代替都话唔定嘎。日新月异，每日都有新嘢出现，时代变迁，人嘅喜好都跟住在变，百花齐放，要睇边嗰脱颖而出，可以赢得半边天咯！

Survivor幸存者系我最最最喜爱睇嘅其中一嗰欧美真人秀剧场。 今日啱啱睇完Survivor幸存者第19季Samoa萨摩亚嘅节目。Survivor幸存者系一嗰20人分成两组人马，被派放到荒岛或者荒山野岭嘅地方度过39日嘅野外求生记。睇参赛者如何道高一尺魔高一丈各施各法唯求生存，不惜一切玩尽各种别开生面嘅游戏，折磨你嘅心智体肤，考体能，急智，合作精神，胆识。。。仲要你冇啖好食，受尽风吹雨打，日嗮雨淋，饥寒交逼，力求驶尽各种看家本领同埋各款攻心计以达到唯一目的：冠军，赢取100万美金摇身一变变为百万富翁。 另外令我感兴趣嘅系喺节目中出现嘅各种道具，譬如佢哋嘅火炬，喺游戏中出现嘅各种物品，团队或者嗰人嘅免死金牌，树邮件等等，好有创意好有特色，好想拥有其中嘅一两件嘢啊！ 呢次嚟到南太平洋中部嘅一嗰群岛-萨摩亚。20人分成Galu同埋Foa Foa两组人马。呢一季系有史以来创造最多纪录嘅一季。 1.有史以来天气最恶劣嘅一季。 2.最惊心动魄嘅意外发生。 3.最牛嘅免死金牌事件。 4.Foa Foa部落系最峰回路转嘅一嗰部落，连续输咗多嗰比赛（未曾有任何一嗰部落咁失败过）而喺最后4人嘅情况之下起死回生赢到冠军。 参赛者： Natalie White (Foa Foa Team) a pharmaceutical sales rep from Van Buren, AR 幸运之神眷顾佢，无端端赢咗一百万美元。不过如果唔系佢去挑拨离间Galu踢Erik出局，可能结局就唔会系咁啦！咁讲嗮佢都应得嘅。唔理你用乜嘢方法玩呢嗰游戏，就算你觉得佢冇资格赢，但系结果赢就系赢，你吹啊？ Russell Hantz (Foa Foa Team) a oil company owner from Dayton, TX 佢有嘅系钱，佢之所以参加呢嗰比赛系因为佢觉得佢好叻玩呢嗰游戏。不果讲真嗰句，无可否认佢真系好叻玩咯，佢可以玩弄人于股掌，睇边嗰唔顺眼，边嗰得罪佢，佢可以要边嗰死就边嗰死，唔系嗰嗰都有呢嗰本事嘎。 佢仲创造咗一嗰有史以来最牛嘅记录。佢可以喺冇任何线索嘅情况之下搵到隐藏嘅免死金牌，唔单止一次而系三次啊！好劲咯！呢一季真系因为有佢而变得好睇，因为多得佢呢嗰搞屎棍，搞到剧情峰回路转，搞到大家鸡犬不宁，搞到我就穷追不舍，最后搞到佢自己老羞成怒。...

呢嗰MTV喺几年前拍嘎，不过唔知几时面市，所以冇买低嚟收藏，搵咗好耐都搵唔到。果日除咗拍呢首《城市爱情》之外仲有另外3首嘎。好似系《葡萄美酒》，《祝你顺风》同另外一首唔记得咩名咯。 点解我会搵到呢个MTV？ 喳实系咁嘅！有日同朋友去唱K，朋友突然间向我兴师问罪，问我点解偷偷同女仔出街拍拖都唔单声。我唛大嗰口得嗰窿，铜铃咁眼定咗喺度，跟住佢仲话有相为证添。当佢秀我张相时，我就觉得有印象，跟住荧幕就播呢只MTV啦！当期时我好开心，因为终于见到呢只MTV啦！哈哈！ 记得当日我哋去咗富都车站，Kota Raya，Plaza Rakyat LRT站拍呢首MTV。女主角唔系我女朋友，嗰名好似叫卉卉，以前喺星马购物中心嘅写真书摊位做"烧屎"嘎。因为搵唔到呢个碟，所以就唯有用相机录低咯，好过冇吖嘛！《祝你顺风》喺云顶马场拍，《葡萄美酒》喺佢哋嘅录影室拍，另外一首喺云顶一嗰好靓，有好多直直嘅杉树度拍嘎。 边嗰知道呢首《城市爱情》嘅仁兄，唔该话畀小弟知边度可以买到呢个碟啊！嗰MTV一定要有小弟我嘎样果只喔！先唔该你先啦！Aligato.

我唔系基督徒，但系我好喜欢圣诞节。 圣诞节嘅歌谣温温柔柔，圣诞节嘅气氛浪浪漫漫，圣诞节嘅聚会开开心心，圣诞节嘅食物林林种种。。。 每次圣诞节即将来临时，到处都大肆装饰一番。圣诞树啦，雪人啦，糜鹿啦，圣诞老人啦，好靓。今年只见识过3间购物广场嘅装饰，有Pavilion啦，Mid Valley啦，同埋Time Square嘅。我个人就觉得喺呢3嗰之中Mid Valley嘅系最靓。 Mid Valley：好似哈利波特咁嘅款，啲蜡烛同埋啲树喺空中飘浮嘎。 Pavilion：好金碧辉煌，好有气势。 Time Square：旋转圣诞树。 今日就去咗Mid Valley随意逛逛过圣诞。4点先至同Eugene，Clement一齐喺Chili's食晏。 食完晏再行行逛逛帮助消化，跟住大概7点几就喺Delicious食晚餐，因为仲好饱所以冇乜点食，所以就意思意思咁点咗几嗰甜品。我点咗嗰Peanut Butter Banana Smoothies，哗！好滞好饱啊！以后应该都唔会再点嚟食嘎啦。 倾偈饮食笑闹就咁过咗一日啦！2009圣诞节，拜拜！

“河边有只羊，羊边有只象，象边有只马骝精，好似你嘅样，嗨！Jingle Bell, Jingle Bell, Jingle All The Way。。。” 圣诞前夕平安夜，你点度过啊？我咧就去咗朋友嘅屋企同埋一大班朋友庆祝啦！每人只需RM15，有得食，有礼物攞，有游戏玩，系咪好抵咧？咁你知唔知总共有几多嗰来宾啊？总共有85嗰来宾啊！系咪好夸咧？吓得我吖，旧年得55嗰人咋，咁明年咪会超过百咯？ 咁年棵圣诞树就似样啦，旧年棵圣诞树就惨喇，整到似棵印度圣诞树咁，好搞笑。圣诞树下摆满嗮林林种种嘅礼物共有85件！有啲一睇就知好有心思，包得好有创意，好靓，希望一阵我会抽到啦！但系事与愿违，冇我份。除咗礼物当然唔少得食物啦！哗！好正啊！有火鸡啦，Donut啦，冬阴炒米粉啦，士多啤梨撻啦，Rendang鸡啦，Nasi Dagang啦，皮蛋啦，肠仔串啦，炸鸡块串啦，沙律啦，咖喱鸡啦，咖喱卜啦，仲有好多好多啊！ 食饱啦，倾偈完啦，游戏就开始啦。啲游戏冇乜新意，兼且大家唔熟络，所以冇乜交流，再加上场地好焗好热，搞到我头都痛嗮。又因为人数太多再加上时间无多，所以要赶喺倒数之前派嗮啲礼物都要耗上1嗰小时，仲系咪派嗮果只啊！搞到都觉得有啲闷。 3，2，1，Merry Christmas!Yeah!呢期待嘅一刻终于来临啦！ 睇下！呢嗰系我抽中嘅圣诞礼物啦！系嗰水樽，留声机水樽。 因为时间嘅关系，我知道佢哋仲有啲游戏系咪搞完嘎，就好似呢对袜咁，当我哋报到嘅时候就拎到一对鸳鸯袜。咁我谂佢哋应该系要我哋去搵返同样款嘅袜嘅人去配对啦！好好彩，我另外嘅一只袜嘅主人就一直坐喺我隔离，就咁，我有对同款同色嘅袜啦！ 我喺度祝大家圣诞节快乐！开开心心，小心失身！哈哈哈！ Let Its Snore, Let Its Snore, Let Its Snore。。。咁多位！訓觉啦！早唞！