老迈嘅半山吧监狱

每次搭MONORAIL经过半山吧监狱嘅时候，就睇到无情嘅神手喺度好张扬咁欺负一个114岁嘅老建筑物。佢老迈嘅身躯无以还击,只能默默咁萎缩自己，假以时日就会无声无息咁消失于世间，灭迹于吉隆坡地图。





佢曾经系那么风光，见证过大马由英殖民时代至独立后繁华盛世嘅日子。佢系1891年动工兴建，占地10公顷，与吉隆坡金三角毗邻。当年英殖民地政府耗资13万8000令吉兴建，内有6排建筑物，包括130个囚室。佢嘅围墙亦都曾经创下全球最长壁画记录，共长270公尺。呢个壁画系由邝炎章，曾戴登同埋林金祥系1983年，用咗超过1000嗰小时而完成嘅绘图作品。



自从1996年前首相敦马哈迪为咗一劳永逸咁解决牢房不足嘅问题，而将啲囚犯迁至双溪毛糯监狱。由果日起，佢就俾人遗弃，好似俾人送去老人院咁，一日睇住一日过，早晨等太阳响东边升起，傍晚等夕阳往西边落下。喺佢身边嘅事与物就日新月异，多少高楼大厦日复日年复年咁建起，有谁会留意到站在繁华社会中嘅佢咧？

终于有一日，发展嘅洪流留意到佢，睇佢衣衫褴褛有损市容，要佢舍身让位，让俾上流社会名媛。

好想入去走一趟，睇睇日子留低嘅脚印，闻闻古老嘅气味，听听佢嘅故仔。亦都好想拍低啲照片，因为一旦失去咗就搵唔返嘎啦！曾经有段时间佢开放俾大家去了解佢认识佢，但系好可惜，我错失机会，好后悔。。。