Survivor幸存者

- 十二月 27, 2009

Survivor幸存者系我最最最喜爱睇嘅其中一嗰欧美真人秀剧场。

今日啱啱睇完Survivor幸存者第19季Samoa萨摩亚嘅节目。Survivor幸存者系一嗰20人分成两组人马，被派放到荒岛或者荒山野岭嘅地方度过39日嘅野外求生记。睇参赛者如何道高一尺魔高一丈各施各法唯求生存，不惜一切玩尽各种别开生面嘅游戏，折磨你嘅心智体肤，考体能，急智，合作精神，胆识。。。仲要你冇啖好食，受尽风吹雨打，日嗮雨淋，饥寒交逼，力求驶尽各种看家本领同埋各款攻心计以达到唯一目的：冠军，赢取100万美金摇身一变变为百万富翁。

另外令我感兴趣嘅系喺节目中出现嘅各种道具，譬如佢哋嘅火炬，喺游戏中出现嘅各种物品，团队或者嗰人嘅免死金牌，树邮件等等，好有创意好有特色，好想拥有其中嘅一两件嘢啊！

呢次嚟到南太平洋中部嘅一嗰群岛-萨摩亚。20人分成Galu同埋Foa Foa两组人马。呢一季系有史以来创造最多纪录嘅一季。
1.有史以来天气最恶劣嘅一季。
2.最惊心动魄嘅意外发生。
3.最牛嘅免死金牌事件。
4.Foa Foa部落系最峰回路转嘅一嗰部落，连续输咗多嗰比赛（未曾有任何一嗰部落咁失败过）而喺最后4人嘅情况之下起死回生赢到冠军。

参赛者：

Natalie White (Foa Foa Team)
a pharmaceutical sales rep from Van Buren, AR
幸运之神眷顾佢，无端端赢咗一百万美元。不过如果唔系佢去挑拨离间Galu踢Erik出局，可能结局就唔会系咁啦！咁讲嗮佢都应得嘅。唔理你用乜嘢方法玩呢嗰游戏，就算你觉得佢冇资格赢，但系结果赢就系赢，你吹啊？

Russell Hantz (Foa Foa Team)
a oil company owner from Dayton, TX
佢有嘅系钱，佢之所以参加呢嗰比赛系因为佢觉得佢好叻玩呢嗰游戏。不果讲真嗰句，无可否认佢真系好叻玩咯，佢可以玩弄人于股掌，睇边嗰唔顺眼，边嗰得罪佢，佢可以要边嗰死就边嗰死，唔系嗰嗰都有呢嗰本事嘎。

佢仲创造咗一嗰有史以来最牛嘅记录。佢可以喺冇任何线索嘅情况之下搵到隐藏嘅免死金牌，唔单止一次而系三次啊！好劲咯！呢一季真系因为有佢而变得好睇，因为多得佢呢嗰搞屎棍，搞到剧情峰回路转，搞到大家鸡犬不宁，搞到我就穷追不舍，最后搞到佢自己老羞成怒。佢系呢季嘅中心人物，实行睇到你牙痒痒，令你恨死佢又爱死佢，搞到我变态咁滞。

但系当佢知道自己输咗嘅时候，佢好唔愤气，因为佢觉得自己赢硬嘎，点知输畀Natalie，唔爽嘅心情全部写嗮喺块面度，仲眼有泪光添。佢为咗要嗰冠军名衔而出价10万美元要Natelie让嗰名衔畀佢，实在系输唔起，我鄙视佢。仲有喺嘎游戏中，Russel偷偷喺夜晚大家瞓觉嘅时候，烧咗Jaison嘅袜，点知佢高招到带埋一只袜到现场，当住jaison嘅面当场丢入火堆当还畀Jaison，哗！冇品到极点啊！

佢因为太过自信，高傲，以为自己可以一统天下，只手遮天，点知衰收尾，衰咗。

Mick Trimming (Foa Foa Team)
a doctor from Los Angeles, CA
练到咁大只都冇鬼用，只赢过一次比赛咁大把，冇啦！冇乜作为。

Brett Clouser (Galu Team)
a T-shirt designer from Calabasas, CA
佢一路嚟都冇乜表现，唔出众。但系佢偏偏系Galu族最后一嗰死剩种，佢最后发威，扭转乾坤赢咗3次嗰人免死金牌。但系喺争取最后3强比赛嘅时候，佢输咗畀Russel，偏偏喺呢嗰重要关头输咗，仲要系输畀Russel，而Russel就偏偏喺呢嗰时候赢咗佢嗰人唯一一次嘅胜利。我喺我间房度睇，一边为佢打气一边打击Russel，唔知我嘅housemate会唔会觉得我颠嘅咧？我真系希望佢可以入到最后3强嘎。如果佢入到最后3强，佢实赢咯！但系我好佩服佢，21岁仔好淡定，如果换着系我？早就腾嗮鸡咯。最搞笑嘅系佢嘅结案陈词，好基咯，问啲问题九唔答八嘅，佢问Mick可唔可以私底下同佢嚟嗰约会喔！榨到。。。

Jaison Robinson (Foa Foa Team)
a law student from Chicago, IL
又系一嗰毒蛇Russel嘅扯线公仔，用完即弃，拜拜。

Shannon “Shambo” Waters (Galu Team)
a sales rep from Renton, WA
我觉得佢傻得可以，太天真太傻！唔入群，搞孤独，一心想离开Galu而投靠Foa Foa。当一合拼时就畀毒蛇Russel睇中佢嘅弱点而利用佢，佢仲懵惺惺咁畀人当扯线公仔咁舞都唔知，仲掏心掏肺一心向住毒蛇Russel。激到我。。。真系唔死都冇用，抵死。

Monica Padilla (Galu Team)
a law student from San Diego, CA
因为得罪毒蛇Russel，所以不得好死，死罪难逃啊。

Dave Ball (Galu Team)
a fitness instructor from Los Angeles, CA
Galu原本人多势众，但系因为行错一步棋而满盘皆落索，一败涂地，多你一嗰唔算多啦！

John Fincher (Galu Team)
a rocket scientist from Santa Monica, CA就系因为佢怕死而背叛Galu，令到Laura被取消资格，所以依家时辰到，天收。

Laura Morett (Galu Team)
a office manager from Salem, OR
赢咗两次嗰人免死金牌，但系你冇可能一直赢，所以当你有乜差池嘅时候就系你死嘅时候啦！原本可以打和抽石子定生死嘎，因为John嘅贪生怕死而背叛Galu，所以冇变咯。

Kelly Sharbaugh (Galu Team)
a hairstylist from West Hollywood, CA
本来Foa Foa佢哋要对付嘅系Laura，但系因为Laura赢咗嗰人免死金牌，所以佢做咗代罪羔羊咯，衰黑仔。冇变，人算不如天算，点算都算唔到毒蛇Russel又凭喺冇任何线索嘅情况之下，又畀佢搵到隐藏嘅免死金牌，再一次暗杀成功。

Erik Cardona (Galu Team)
a bartender from Ontario, CA
受人唆摆，口出狂言，做咗冤枉死嘅倒霉鬼，就系因为佢被取消资格而令Galu陷入水深火热，令Foa Foa起死回生。但系嗰一次嘅生死大会令到毒蛇Russel亮出免死金牌，白白浪费，心凉。

Elizabeth Kim (Foa Foa Team)
a urban planner from New York, NY
女强人一嗰，因为毒蛇Russel睇佢唔过眼，所以命运系咁大咯。

Russell Swan (Galu Team)
a attorney from Glenside, PA
佢创造咗一嗰记录，因为佢令见惯风浪，经历咗19季嘅主持人Jeff都戥佢感到提心吊胆，以为佢会魂归乏术。佢因为身体太过虚弱，有生命危险，所以以健康问题被逼退出比赛。佢喺几分钟嘅时间里边大大话话晕咗两次，双眼定嗮喺度郁都唔郁，吓死人，以为佢就咁去咗添。