新年

新年 = 新嘅一年，从新再嚟过，嚿嘢衰嘢走嗮，一身爽嗮。
新年 = 好多嘢食，好多好嘢食，可以食嗰唔停，食唔停口。
新年 = 轻轻松松，唔驶谂咁多，食饱攰就瞓阵，瞓醒再食。
新年 = 阖家团圆，得闲搓麻雀，碰槓糊大三元，一团和气。

其实过年同平时冇乜差别，系多啲嘢食，唔驶开工，一家大细喺嗮度。买嘅新衫只喺年初一着过一次，其他日子都着番旧衫，天时热到爆，唔想出门，不过一路嚟过年我都唔出门嘅。冇打炮仗冇点烟花，成日呢喺屋企睇电视食嘢，冇去兜红包嘎，冇去拜年嘎，系咪冇乜特别咧？不过我好享受喔。

享受一家大大细细齐齐整整嘅感觉。围住张圆枱食团圆饭，饮啖靓汤夹嚿鸡髀食嚿烧肉好享受。黐埋张四方枱搓麻雀，你碰我槓佢食糊速速磅唔好两头望。坐喺厅度一齐睇节目，生肖运程讲好嘅就听唔好嘅当唔准，乐也融融。

你嘅新年又系点嘎？