黑气球 The Black Balloon

今日睇咗部澳大利亚电影《黑气球 the black balloon》，系一部2008年嘅作品。

呢部电影好劲嘎，获得了第58届柏林电影节青少年题材电影类别嘅最高荣誉“水晶熊”奖。该片中，曾主演《阳光小美女》嘅澳大利亚女演员Toni Collette喺《黑气球》中饰演一位青春期少年Thomas嘅母亲。呢部影片亦都系导演Elissa Down嘅首部长片制作。能够喺处女长片获得柏林电影节“水晶熊”奖，要归功于优秀嘅剧本基础，导演Elissa Down同时亦都系编剧之一。

故事系讲正值青春期嘅男主角Thomas一家四口搬到澳洲一嗰小城镇。父亲系当地驻军军官，母亲怀孕，而最让Thomas头疼嘅系佢有一嗰傻哥哥Charlie。由于搬家嘅缘故，Thomas转咗新学校，学习做游泳救生员。喺呢度，佢认识咗美丽嘅女同学Maggie。Maggie虽然生长喺单亲家庭，但系生性开朗。一段日子之后Thomas与Maggie互相产生咗好感，令Thomas喺呢嗰乏味嘅生活中带嚟咗无限嘅生气。但另一边，有智力障碍嘅哥哥Charlie就时时畀Thomas带来莫大嘅烦恼。不仅屡次喺Maggie面前丢脸，而且仲跑到Thomas学校门口闹事，令佢喺同学面前蒙羞。Charlie似乎已经成为了Thomas新生活嘅一嗰心病。怀孕嘅妈妈同埋军官父亲一面开导Thomas，Charlie作为佢嘅哥哥，佢理应承担喺一切照顾佢体谅佢。

有一日，怀孕嘅母亲终于苏啦，生咗嗰妹妹。年幼嘅妹妹，智障嘅哥哥，Thomas觉得自己处喺一嗰怪圈中。喺Thomas嘅生日聚会度，Charlie因为Maggie喺吹完蜡烛锡咗佢一啖之后，喺青春期作祟嘅情况之下玩弄起佢嘅小弟弟。当着返灯时，Maggie睇到呢一幕吓得弹起身尖叫咗一声，大家亦都被呢一幕搞到惊慌失措不慎砸烂咗Thomas嘅生日蛋糕。因为哥哥又再次喺Maggie面前令佢丢脸兼破坏咗佢嘅生日派对，压抑咗好耐嘅Thomas终于爆发啦！他将Charlie嘅新款游戏机掟到稀巴烂，Charlie发起颠嚟同Thomas大打出手，咬他兼打烂嗮屋企嘅嘢，令到母亲与父亲不知如何是好。

呢一切一切仿佛令Thomas嘅生活偏离咗正轨。夜晚，佢躲喺厕所喊，觉得心里很不平衡但又觉得好内疚。咁啱母亲要上厕所听到，就走入去抱住佢安慰佢。之后佢独自嚟到Maggie嘅屋企门前，善良嘅Maggie原谅佢体谅佢。喺回家嘅路上，Thomas遇到喺等佢返嚟嘅哥哥。两人嘅矛盾喺哥哥Charlie嘅几个简单手语里随风化解。。。

片末佢哋两兄弟一齐沐浴，Thomas谂起以前佢总系希望哥哥会变返正常变冇事，但系呢嗰系一嗰不变嘅事实。依家Thomas佢愿意面对现实，改变自己接受佢哥哥傻嘅事实。影片似《成长的烦恼》与《雨人》嘅结合版，从军队子女生活、成长叛逆嘅烦恼、手足情谊呢啲即熟悉又陌生嘅出发点，带观众走入咗一个平常男孩嘅生活。影片所展现嘅故事，就像亲身经历嘅一样，深深咁触动观众。故事冇试图去说服观众，或者进行一次教育。佢只系将生活原本地展示喺观众面前，简单而淳朴。令到观众似影片中嘅男主角一样，认识自我，改变自我。

除此之外，其实佢嘅片头都几令我印象深刻嘎，因为佢每一嗰画面所出现嘅嘢都有介绍嘅喔！譬如话呢嗰画面系男主角Thomas喺佢间房度整理紧佢嘅嘢，天花板度有嗰灯，窗口挂咗张蓝色嘅窗帘，身后嘅房门系打开嘅，跟住佢喺嗰纸皮箱度攞咗盒卡带出来。咁画面度会出现细细嗰Light嘅字喺嗰灯旁边，Ceiling喺嗰天花板度，Curtain喺张窗帘度，Door喺张门度，Box喺嗰纸皮箱度，Cassettes喺嗰卡带度，好好玩。