粘
香口胶粘住嗰鞋底，讨唔讨厌啊？你心里面一定好唔爽，跟住会喺度闹系边条粉肠食完香口胶乱咁吐。系咪？
有时候去到啲店铺买嘢，至憎啲“婆毛打”跟住喺你身后，好似冤鬼咁粘住你唔放，甚至有啲会一咪喺度介绍呢嗰介绍果嗰。唔该你企埋一边唔好跟住我，如果我需要你帮忙一定会叫你嘅，唔驶担心。可能老细教落一定要咁样做要咁样做，你哋都唔想嘅，但系老实讲，如果我遇到呢啲“婆毛打”，我会好快行返出嚟，拜拜系咁先！
出去食嘢，唔系啲乌蝇喺度环游世界就系啲蚊喺度偷吻你，证明畀你睇佢有几爱你。好烦啊！统统同我死开，咪喺度嘎嘎蕉蕉粘住我，如果唔喺，我就一巴两巴刮死你。
我嗰面时时出油，粘粘好唔舒服好难看，用过好多唔同牌子嘅洗面霜，收缩水都冇效，真系嗮钱又达唔到效果，有乜嘢可以解决呢嗰问题咧？真伤心真烦恼。
仲有我行两步就出汗嘎啦，好夸张，点解我咁易就出汗嘅？背脊时时湿瀝瀝周身时时粘黐黐，呢种感觉会令到我情绪变坏，脾气变臭，人变得好掹憎嘎咯！
我需要适当嘅自由，唔好周不时粘住我，咁样唔单止会令到我不知觉咁想去逃避你，久而久之就转变成讨厌你，跟住变成憎你。而你又会觉得自己时时无端端受到伤害，好似将真心换嚟伤心，得不偿失反效果。
粘，系咪好讨厌咧？
评论
发表评论