火烧摩天楼 The Towering Inferno

失眠瞓唔着，睇咗部1974年12月13日由20th Century Fox 及Warner Bros出品嘅经典灾难电影《火烧摩天楼 The Towering Inferno》。《火烧摩天楼》系根据Richard Martin Stern嘅小说《The Tower》及Thomas N. Scortia嘅小说《The Glass Inferno》改编而成。影片有传奇制片人Irwin Allen掌舵，云集咗包括Steve McQueen，Paul Newman，舞王Fred Astaire以及橄榄球明星O.J. Simpson等在内嘅多位Hollywood顶级明星，打造咗呢部极为成功嘅惊世骇俗灾难电影。影片喺1978年获得了奥斯卡8项提名，并最终获得了最佳摄影，最佳剪辑同埋最佳原创歌曲三尊小金人。

Irwin Allen另外一部著名嘅灾难电影《海神号遇难记 The Poseidon Adventure》我亦都睇过，虽然呢两部电影系三十几年前嘅作品，但系我觉得呢两部电影好好睇，佢引人入 胜嘅故事情节，惊心动魄嘅特技效果，当然唔可以以依家嘅特技标准嚟比较啦！想当年有咁嘅制作，咁嘅效果系已经好厉害嘎啦！

故事系讲一幢位于旧金山中心嘅摩天大楼顶楼内，即将举行大楼嘅落成典礼。刚从外地返来嘅摩天楼设计师Doug Roberts却喺典礼前发现大楼嘅电力系统存在严重嘅安全隐患。Doug搵到承建大楼嘅老板James Duncan反映情况，但Duncan忙于典礼前嘅准备工作而无暇顾及。Doug发现安全隐患缘于老板Duncan嘅女婿Roger Simmons为咗减低成本而喺施工中冇按照原先嘅设计而偷工减料。备用电源未做绝缘保护以及低于标准嘅电路造成短路，大楼内很快冒出熊熊大火。而喺摩天楼顶楼内包括参议员同埋市长在内嘅各界名流正在庆祝大楼嘅落成，火势冇得到控制而开始蔓延。Doug提醒老板Duncan应该马上疏散人群，但Duncan却认为Doug太过小题大作。消防队长Michael O'Hallorhan带领大批嘅消防队员嚟到现场救火，但凶猛嘅火势一发不可收拾，火势不断向上攀升。

之后四处爆炸，死伤惨重，仲摧毁嗮逃生用嘅楼梯添。情况极之危急，救援速度大大受阻而火势蔓延嘅速度极之迅速。男主角Doug同埋消防队长Michael使出浑身解数嚟拯救大家逃出生天。《火烧摩天楼》共有五段惊心动魄嘅情节。呢五嗰场景分别系Doug成功地喺坍塌嘅楼梯上解救两嗰细路同埋一嗰老妇人；身着礼服嘅人群被困喺135楼嘅宴会厅等待救援；高空吊索，由摩天楼顶楼吊到对面大楼嘅顶楼；解救被困喺摇摇欲坠观光电梯内嘅十二个人以及影片最后孤注一掷爆破二百万加仑水嘅惊险场面。

电影公司为咗呢部电影投资咗一千四百万美金非常强劲嘅宣传攻势，全年嘅票房高达两亿美金。但系影片亦都受到建筑商嘅猛烈抨击，认为影片引发人们对现代摩天大楼安全问题不必要嘅恐慌。有趣嘅是喺影片上映咗两个月后，世界上最高嘅建筑物世贸大厦就发生火灾啦。