顽石の碎碎念

今日睇咗呢部《机械人9号》动画片，好似睇到细时候嘅我。 记得细嗰嘅时候，我自己亲手做咗嗰布公仔嚟玩 ，当然手工冇9号啲机械人咁靓，睇落就似嗰“大”字。得闲嘅时候就将啲枕头啊，被啊，堆成嗰山咁，当系嗰严峻嘅高山，再攞啲机械人玩具或者狮子啊，老虎啊当成深山嘅怪物。佢系嗰冒险之王，所以我又做咗嗰斗篷畀佢，型啲吖嘛。 咁我有两嗰细路，但系只得一嗰公仔，唔够玩，所以我又再做咗两嗰布公仔，咁就可以嚟嗰冒险团啦！我有危险，另外两嗰会嚟救我 。佢畀怪物袭击，我哋一嗰会去对付嗰怪物，另外一嗰就会去营救佢，好好玩。而且我哋系唔会跌死嘎，因为我哋系用布嚟做嘎嘛！ 依家长大咗，曾几何时陪伴我哋长大嘅布公仔依家都唔知去咗边咯！但系冒险嘅梦依然仲喺度。 我好喜欢睇啲有冒险风格嘅电影，亦都好喜欢啲残旧，荒凉，古老，有故事嘅地方，所以呢部《机械人9号》就啱嗮我口味。好中意电影里面设计嘅场景，好中意机械人细腻嘅手工，好中意佢哋嘅美术，好中意佢哋嘅创意，好中意呢部动画片。

今天喺 Facebook 度睇到呢部舞台剧嘅照片，勾起我好多回忆。时间过得真系快，眨吓眼就过咗3年几。呢部舞台剧系逐日町 OheTeam 喺2006年制作嘅中文舞台剧《狐说》。 《狐说》简介 制作人    ：刘锦康 导演        ：陈镇藩 艺术总监：李勇昌（当时仲系叫李永强） 演员        ：黄国正（饰演阿乌，银狐）                  林静苗（饰演阿肥，白狐）                  黄明慧（饰演林平安）                  石达成（饰演张全能）                  龚丽敏（饰演艳芬芳）                  余秋坪（饰演观音婆）                  江邦慧（饰演三峇嫂）                  赵伟斌（饰演包租公黄金）                  吴恵飞，余婉霜，吴慧婷，李明杰                  梁迪生，熊志伟，曾颖慧，丁仕昀 演出时间：2 小时 语言        ：中文 演出日期：09/06/2006 (8pm)                  10/06/2006 (3pm & 8pm)                  11/06/2006 (3pm & 8pm)                  14/07/2006 (8pm)                  15/07/2006 (3pm & 8pm)                  16/07/2006 (3pm & 8pm)  地点      ：吉隆坡市政局剧场                  Panggung Bandaraya Kuala Lumpur 票价       ：RM20, RM30, RM40 《狐说》系我第一次有份参与嘅舞台剧，既是处男作啊！制作阵容嗰嗰都系大人物嚟嘎！黄国正，林静苗同埋余秋坪曾经攞过舞台剧最佳男女演员奖，黄明慧刚刚正攞到第4届亚洲电影最佳新人奖，李勇昌写过好多好出名好有意思好受欢迎嘅作品，舞台剧嘅作品有《折翼天使》等，电影作品有最近嘅《大日子》，刘锦康系舞台剧中嘅风云人物，得奖次数多到不得了，陈镇藩系依家 Astro 儿童节目嘅主持人。

呢部电影系加拿大选送参加2006年奥斯卡最佳外语片嘅电影，该片共获得包括多伦多电影节最受观众欢迎奖在内嘅大小奖项共计37项。 C.R.A.Z.Y. 系呢嗰家庭5嗰仔嘅名 Christian, Raymond, Antoine, Zac 同埋 Yvan。 Zac 系男主角，排行老四，系父亲最锡嘅仔。Zac 喺1960年12月25日圣诞节当日，同耶稣同一日降生。 自细母亲就认为佢有别于自己嘅其他四个仔，认为佢有与生俱来嘅特殊能力，可以让婴儿停止哭泣, 甚至拥有抚平创痕的神力。 年龄渐长, Zac 慢慢意识到自己同普通细路嘅唔同，佢嘅父亲亦都觉得佢有啲唔妥，佢好喜欢 David Bowie 嘅音乐。有一次喺佢嘅生日派对里面，佢见到佢表姐男朋友嘅时候，深深地畀吸引住，目不转睛咁望住人哋。于是佢父亲就用一种几乎可以改变一切嘅决心，决定将他塑造成一个正常嘅仔，而唔系惹人取笑嘅同性恋者。但系佢天性中嘅性取向始终被压抑系潜意识里面，就似佢无法改变自己喜欢 David Bowie 嘅音乐同埋乐意同男仔一起以间接嘅方式进行亲密游戏嘅事实一样。 饰演少年Zac 嘅 Marc-André Grondin 系电影中横跨十年时光，每嗰造型都有截然不同嘅味道, David Bowie + 李小龙 + 猫王 + Johnny Rotten (Sex Pistols) … 令人好生佩服。 佢父亲可以容忍自己嘅二仔系毒虫，一而再咁妥协让步，但系却无法接受佢系同性恋嘅事实。于是，佢选择用旅行嚟寻找果嗰失去嘅真实嘅自己。佢嚟到耶路撒冷，不经意间，发现咗一张父亲好中意嘅黑胶唱片，一张佢细嗰嘅时候畀佢整坏嘅黑胶唱片，佢亦都第一次尝试咗同性嘅性行为。 大哥成家当天嘅纪念照片仍沉稳地散发着家庭嘅凝聚力。毒虫二哥嘅早逝令父亲遭遇咗沉痛嘅打击，耗尽十年嘅时间正平复返嚟，佢亦都同样花费咗十年嘅时光勉强咁接受自己嘅仔有男朋友，接受咗佢系同性恋嘅事实。系因为佢时日无多，抑或系由于稍有感悟？ 谁都冇错，错就错喺佢嘅性取向？佢用咗三十年嘅光景去压抑自己、否定自己、熟悉自己、认同自己。也用咗同样嘅时间去认同亲情、友情同埋爱情。 一对父子尽管曾经互相误解、甚至伤害过对方，但父亲永远系父亲，仔依然系仔。父子嘅感情、心路都颇有曲折，绝对冇谁是谁非。误解系因为爱，伤害也

  消失已久嘅梦魇重现。 今朝早晨，坐喺张凳上听大粒嘢讲嘢，突然间眼前出现一大片细沙丘，啲沙细到好似粉末一样，一啲纹理都冇，好滑， 但系佢唔系平滑，因为佢有起伏，就似沙漠一样。 突然间，一嗰巨轮辗过嚟，呢嗰巨轮其实系细路哥玩嘅三轮车嘅前轮。佢嘅速度唔快，系因为嘅轮实在好大，一嗰转，就从远处刹那间嚟到你面前，所以你觉得好快。架三轮车系冇人坐嘎。呢嗰梦曾经喺我细嗰果阵出现过，仲系时时出现嗰只。已经消失咗咁多年，今日竟然又再次出现。  呢嗰梦境系要表达啲乜嘢咧？边嗰识解梦啊？ 记得细嗰过阵有次畀摩多撞到跌落地，不过冇事。但系我唔记得呢嗰梦系喺呢嗰意外发生之前出现抑或系之后出现嘎。咁呢嗰意外同呢嗰梦有冇关系啊？唔知。 呢嗰梦虽然好短，好简单，睇落唔恐怖，但系我却感到好心寒，每一次梦到都好惊，有种窒息嘅感觉，唔知点解，就系好惊，好惊。。。

抛开一切，走向荒野。最近心情异常低落嘅我，真有此想。 有啲电影系必须一嗰人睇正好睇嘅，睇呢类型嘅电影会不知不觉流泪，尤其系依家咁低落嘅心情。当你流泪时，你唔会希望身边有嗰你仲未可以完全对佢打开心扉嘅人。 There is a pleasure in the pathless wood; There is a rapture on the lonely shore; There is society, where none intrudes;  By the deep sea, and music in its roar;  I love not man the less, but Nature more... - Lord Byron 电影一开始就引用咗 Lord Byron 嘅呢一首诗，正正道尽主角 Christopher 嘅心声。再配合由 Eddie Vedder 漂泊感性嘅歌声引导你走入主角 Christopher 嘅世界。 《荒野生存 Into The Wild》改编自著名作家 Jon Krakauer 1996年嘅畅销同名传记小说，系一嗰真实事件，讲嘅系一嗰名叫 Christopher McCandless 愤世嫉俗嘅男子(Emile Hirsch饰)自1992年大学毕业后，毅然舍弃所有嘅财产，脱去那虚伪文明教条嘅皮 - 学士服；丢底工业文明伟大嘅产物 - 汽车；焚烧现代社会价值体现最权威嘅东西 - 钞票；离开虚伪嘅家庭文化，社会文化，文明文化，投身到阿拉斯加州嘅茫茫荒野中，自我放逐游走荒野体验回归自然嘅生活。四个月后，打猎喺人喺一嗰偏僻嘅野营地嘅一辆废弃嘅绿色公共汽车上，发现咗佢嘅尸体。享年23岁。 呢嗰系真正嘅主人家 Christopher McCandless 。呢张系唯一一张喺佢相机度搵到嘅相。背后绿色嘅公共汽车就系佢度过人生最后时光，亦都系佢呼下人生最后一口气嘅所在地。 Alexander Super Tramp 《超级浪人Alexander》 ，诞生于1990年7月。 当佢系亚利桑那州嘅一间洗手间用垃圾桶里嘅口红喺镜上写下呢段字嘅时候，佢相信，佢已经重生了