荒野生存 Into The Wild

抛开一切，走向荒野。最近心情异常低落嘅我，真有此想。

有啲电影系必须一嗰人睇正好睇嘅，睇呢类型嘅电影会不知不觉流泪，尤其系依家咁低落嘅心情。当你流泪时，你唔会希望身边有嗰你仲未可以完全对佢打开心扉嘅人。

There is a pleasure in the pathless wood;
There is a rapture on the lonely shore;
There is society, where none intrudes; 
By the deep sea, and music in its roar; 
I love not man the less, but Nature more...


- Lord Byron

电影一开始就引用咗 Lord Byron 嘅呢一首诗，正正道尽主角 Christopher 嘅心声。再配合由 Eddie Vedder 漂泊感性嘅歌声引导你走入主角 Christopher 嘅世界。

《荒野生存 Into The Wild》改编自著名作家 Jon Krakauer 1996年嘅畅销同名传记小说，系一嗰真实事件，讲嘅系一嗰名叫 Christopher McCandless 愤世嫉俗嘅男子(Emile Hirsch饰)自1992年大学毕业后，毅然舍弃所有嘅财产，脱去那虚伪文明教条嘅皮 - 学士服；丢底工业文明伟大嘅产物 - 汽车；焚烧现代社会价值体现最权威嘅东西 - 钞票；离开虚伪嘅家庭文化，社会文化，文明文化，投身到阿拉斯加州嘅茫茫荒野中，自我放逐游走荒野体验回归自然嘅生活。四个月后，打猎喺人喺一嗰偏僻嘅野营地嘅一辆废弃嘅绿色公共汽车上，发现咗佢嘅尸体。享年23岁。

呢嗰系真正嘅主人家 Christopher McCandless 。呢张系唯一一张喺佢相机度搵到嘅相。背后绿色嘅公共汽车就系佢度过人生最后时光，亦都系佢呼下人生最后一口气嘅所在地。


















Alexander Super Tramp 《超级浪人Alexander》 ，诞生于1990年7月。

当佢系亚利桑那州嘅一间洗手间用垃圾桶里嘅口红喺镜上写下呢段字嘅时候，佢相信，佢已经重生了。佢赋予佢自己重生嘅权利。

佢远离城市，远离故乡，到过无数期待嘅地方：来到 South Dakota 嘅麦田农场，来到 Salton Sea 盐湖城嘅盐碱地，来到游牧嬉皮士嘅聚集地。。。遇过无数独特嘅凡人：教佢如何打猎，如何烟熏法嘅麦田工人，美丽动人嘅嬉皮士女孩 Tracy，想收养佢嘅80岁孤独老人。。。做过无数大胆嘅举动：唔怕死冇带头盔冇任何漂流经验喺激流里划皮艇，野外猎杀动物，冇身份证爬上火车越过墨西哥。。。佢脑里边唯一想做嘅系“Into The Wild”，就算系呢途中，动人嘅女孩用身体挑逗佢，老人以慈父嘅爱感化佢都唔能改变佢嘅想法，正如佢妹妹述说嘅一样“佢一直系一嗰对自我道德好苛刻嘅人”。

“When you forgive, you love.
And when you love, God's light shines on you.”

当喺沙丘上告别果嗰80几岁嘅老人时，老人讲咗呢段话“当你原谅嘅时候，你就会爱。当你爱嘅时候，神嘅光芒就会照亮你。”佢始终未能原谅佢虚伪嘅父母，佢甚至可以拒绝爱，所以佢可以丢底佢最痛锡嘅妹妹独自走向荒野。佢拒绝美丽动人嘅 Tracy，佢拒绝想收养佢嘅80岁老人。

有谁能够好似 Christopher 咁可以毅然抛开世俗同埋责任几乎系任性咁追求自己嘅理想？我想啊，但我做唔到。

因为饥饿过度冇嘢食而食错含有毒素嘅植物，佢已病的奄奄一息。苍白干枯嘅身体毫无生气，有只熊喺佢身边经过都冇所反应，佢就似嗰死人一样等待最后一日嘅来临。

“Happiness only real when shared”。

当佢人生差不多到尽头时，佢喺本书度写咗以上呢行字。佢用尽一生才体会到呢嗰意思，可惜吗？可能有啲人虚度一生亦都未能了解到呢嗰意思，咁咪仲可惜。

佢擦拭干净身体，着好衫，钻入佢妈妈亲手缝制嘅睡袋，躺在床上，仰望窗外，直视太阳。太阳顿时变得好耀亮。佢已经懂得原谅？佢已经体会到爱？系神嘅光芒吗？眼角静静地滑出一滴眼泪，停止了呼吸。

喺绿色公共汽车度有嗰佢留底嘅最后一嗰告示牌，写着： 

"I have had a happy life and thank the lord. Goodbye and may God bless all!"
- Christopher Johnson McCandless