机械人9号

今日睇咗呢部《机械人9号》动画片，好似睇到细时候嘅我。

记得细嗰嘅时候，我自己亲手做咗嗰布公仔嚟玩 ，当然手工冇9号啲机械人咁靓，睇落就似嗰“大”字。得闲嘅时候就将啲枕头啊，被啊，堆成嗰山咁，当系嗰严峻嘅高山，再攞啲机械人玩具或者狮子啊，老虎啊当成深山嘅怪物。佢系嗰冒险之王，所以我又做咗嗰斗篷畀佢，型啲吖嘛。

咁我有两嗰细路，但系只得一嗰公仔，唔够玩，所以我又再做咗两嗰布公仔，咁就可以嚟嗰冒险团啦！我有危险，另外两嗰会嚟救我 。佢畀怪物袭击，我哋一嗰会去对付嗰怪物，另外一嗰就会去营救佢，好好玩。而且我哋系唔会跌死嘎，因为我哋系用布嚟做嘎嘛！

依家长大咗，曾几何时陪伴我哋长大嘅布公仔依家都唔知去咗边咯！但系冒险嘅梦依然仲喺度。

我好喜欢睇啲有冒险风格嘅电影，亦都好喜欢啲残旧，荒凉，古老，有故事嘅地方，所以呢部《机械人9号》就啱嗮我口味。好中意电影里面设计嘅场景，好中意机械人细腻嘅手工，好中意佢哋嘅美术，好中意佢哋嘅创意，好中意呢部动画片。