平头装红毛丹

好耐冇品尝到红毛丹了，平时都唔会特登去买红毛丹嚟食嘅，边度好似细嗰果阵，屋企种咗棵生得唔高嘅红毛丹树。每当满树结满嗮啲红毛丹嘅时候，啲树枝就坠嗮落嚟，垂手可得，想食几多就食几多，甚至有时直接坐喺棵树度，拿起粒红毛丹就将半边壳咬开，食咗粒香甜嘅果肉后，就让剩返半边壳嘅红毛丹依然挂喺棵树度，唔理佢。

唔单止咁啊，有时仲会拿起把剪刀帮啲红毛丹“理发”理成平头装。理成平头装嘅红毛丹好趣怪啊。哈，唔知道冇毛嘅红毛丹仲叫唔叫红“毛”丹嘅咧？

自从唔知几时棵树搬嚟咗啲不速之客“火蚂蚁”后，就再也唔敢坐喺棵树度食红毛丹了，甚至乎就连爬树都唔敢啊！因为随时都会畀啲“红头兵”突击，到时搞到周身痕就惨啦！

依家棵红毛丹树已经冇咗了，改种咗几棵沙梨树。依家想食红毛丹就要畀钱买嚟食了，边有以前食得咁豪咁写意啊。