平头装红毛丹
好耐冇品尝到红毛丹了,平时都唔会特登去买红毛丹嚟食嘅,边度好似细嗰果阵,屋企种咗棵生得唔高嘅红毛丹树。每当满树结满嗮啲红毛丹嘅时候,啲树枝就坠嗮落嚟,垂手可得,想食几多就食几多,甚至有时直接坐喺棵树度,拿起粒红毛丹就将半边壳咬开,食咗粒香甜嘅果肉后,就让剩返半边壳嘅红毛丹依然挂喺棵树度,唔理佢。
唔单止咁啊,有时仲会拿起把剪刀帮啲红毛丹“理发”理成平头装。理成平头装嘅红毛丹好趣怪啊。哈,唔知道冇毛嘅红毛丹仲叫唔叫红“毛”丹嘅咧?
自从唔知几时棵树搬嚟咗啲不速之客“火蚂蚁”后,就再也唔敢坐喺棵树度食红毛丹了,甚至乎就连爬树都唔敢啊!因为随时都会畀啲“红头兵”突击,到时搞到周身痕就惨啦!
依家棵红毛丹树已经冇咗了,改种咗几棵沙梨树。依家想食红毛丹就要畀钱买嚟食了,边有以前食得咁豪咁写意啊。
Like it... Y u cantonese so hong kong style de?? i also haf rambutan tree near my house... but i nvr climb for rambutans... my neighbour auntie like to climb & get for us... so i no need climb... :P
回复删除