佢哋嘅世界文化交流
吖。。。你唔好误会啊，整齐唔代表工作效率差喔，张枱七国咁乱亦都唔代表好忙好能干喔。
嗱！果只黑色绑辫子，白色眼，彩色珠子衫嘅公仔系上次我去南非时买嘅手信；果只红色嘅木雕猫系来自古晋嘅；果只大头木公仔系来自曼谷嘅手信；果只香薰香皂系雅典嘅手信；果两粒大大粒嘅红豆系来自台湾淡水嘅手信；果只绑头巾嘅木公仔系来自清迈嘅手信。
我摆嗮呢啲来自唔同国家嘅手信喺我嘅电脑荧幕下方，藉此美化沉闷嘅环境，滋润视觉，仲可以嚟个世界文化交流添，哈哈。
你睇，佢哋相处得几融洽啊，真系开心。
吖。。。点解嗰大头木公仔咁嘅表情嘅？睇落有啲落寞，系因为心系家乡？忧心家乡最近发生嘅暴乱灾情？唔。。。但系睇落又似有啲喺度手舞足蹈喔，系庆幸自己逃过一劫，唔驶受苦受难？亦或为自己可以代表国家喺度宣扬文化而感到欢欣啊？
来自台湾嘅大红豆唔驶变成八宝冰里嘅一员，身份提升为国家文化大使，喺度宣扬“知足常乐”，让每个人都觉得自己系“完美的你”。唔自卑，唔睇小自己，连红豆都会有出头天了，更何况系你，系咪？
评论
发表评论