顽石の碎碎念

搭咗3.30PM 嘅 KTM 提早返家乡庆祝父亲节，坐喺我后面位有一对讲华语嘅母女，嗰个小妹妹，佢好犀利嘎，令我佩服到差啲要起身为佢鼓掌敬礼，我自叹不如兼不敢恭维。 “妈咪，带我去玩。” “妈咪，我不要回家。” “妈咪，我要吃 lolipop。” “妈咪，弟弟在哪里？” “妈咪，还有多远？” “妈咪，我不要读书。” “妈咪，你看，火车啊！” “妈咪，我要看火车。” “妈咪，还有没有火车？” “妈咪，还要多久？” “妈咪，我们去哪里？” “妈咪，我不想回家。”。。。 佢把口讲唔停，口唔干唔攰，好似收音机咁，不停播，唔停播，系咁播，播播播。。。 OK啦，小妹妹系咁嘎啦，话多唔出奇，算吧啦！ “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？” “妈咪，火车之后还有没有火车？”。。。 救命！架唱机跳针啊？一直重复同样嘅话，一直讲，一直讲，一直讲。呢位妈咪你唔觉烦嘅咩？可能你习惯咗，听觉免疫，但系其他乘客嘅耳仔系正常嘎未免疫嘎！ “妈咪，火车之后还有没有火车？”呢句话一直讲到到 Kepong Central 站仲一直讲到出门口。 阿弥陀佛!总算挨过咗，食过苦中苦，我依家系人上人了，多谢你小妹妹。 咪住，上天仲要继续考验我，要令我成为人上人之人上人，因为我后面位走咗对母女之后，嚟咗两粒豆鼓妹。 架火车系佢哋嘅屋企嚟噶，返到屋企后就即打开部迷你 Hifi （手机），开尽音量播放印度歌。“阿呢阿呢阿呢，本啲画嘎献得。。。” 我谂佢要去参加 Malaysian Idol 比赛，因为佢喺度跟住唱啊！双重噪音攻击我嘅耳仔啊！My God！ 我谂我对耳仔前世做错事，今世要偿还。哦！唔系，前世做错事嘅唔系只得我一个人，而系整个车厢嘅人前世都做错事，今世我哋一齐嚟受罪。 你老咪啊！ 到咗 Rawang 站，过对面月台等 Tangjung Malim 嘅 KTM。火车到站后，搵咗个位坐低后正发觉整个车厢全部系马来仔，只得我一个唐

烟字点写？ 火 + 因 = 烟 烟字点解？ 烟，一切皆因一个“火”，结果焚身似火，一切冇好结果。 一支冇点着嘅烟，就好似一个冇掹开保险制嘅手榴弹，冇危险。烟，有乜咁大吸引力咧？我冇食烟，所以唔知。俗语话 “饭后一支烟，快乐似神仙”，食多咗唔方唔提早升天成仙就真！人哋话“心烦食支烟，解忧又解愁”，我就话心烦食支烟，愁上加愁。 劝人戒烟嘅资讯多到数之不尽，有发人深思嘅，有充满创意嘅，有触目惊心嘅，有苦口婆心嘅。但都仲系有咁多人继续食烟，视死如归，好比沙场上嘅战士一样，残害无辜嘅草民不特止亦都献上自己宝贵嘅生命。无一好处，累人累物，自私自利，真系唔明。 你话，点解要食烟啊？

查实系咁嘅。 话说我有4张免费VIP票，座位号码215-218，之后朋友又畀多2张免费票213-214过我。其实之前几场演唱会佢畀我嘅票系属于PS1，PS2或者PS3区，台前位嚟嘅，咁呢次系第一次畀我VIP票，座位系喺台前前5排。 讲返正题先。因为我哋只得4个人嚟睇，咁我就多出2张票嚟啦。好啦，我打算收埋217同埋218嘅票，因为218嘅号码系我中意嘅号码。又因为另外两个朋友会迟啲正到，咁我就同另外1位朋友入场先，用咗213同埋214张票。 吖！点解咁次个位咁后嘅？以前PS1，PS2，PS3嘅票都比依家呢个位前好多，唔通前面啲位系VVIP位？冇理啦，就唯有乖乖坐喺度啦，有免费票已经算好好噶啦。 跟住啲人就陆陆续续咁入嚟。 吖！嗰对情侣坐咗217同埋218嘅位喔！有冇搞错啊，乱咁坐人哋嘅位都有嘎，好啦，畀你坐住先啦，一阵朋友到咗正叫佢哋走啦。咦！嗰两个咪我嘅朋友Tagnan同埋Ah Meng？咁巧喺度都可以遇到佢哋两个喔？哎呀！点解佢哋嘅位畀我仲前咁多嘅？冇理由嘅哦。。。点解嘅。。。佢应该唔会畀咁差嘅位过我嘎？！ 突然间头顶上嘅灯胆“叮”一声着咗。 即刻攞返张票嚟睇吓先。哎呀！我哋坐咗之后攞到嗰2张差啲嘅VIP票（ROW GC）嘅位啊，另外4张VIP票（ROW VB）嘅位喺前面第5排啊！ 哈哈哈，真系乌龙啦！好彩唔系喺散场之后正发现，趁依家仲未开场快快坐返个靓位先。仲有啊，头先好彩冇赶嗰对坐喺217同埋218位嘅情侣走啊，如果唔系就真系瘀到痹咯。牌佘，牌佘。

你睇到冇？ 你真系睇到？ 咁你睇到啲乜嘢啊？垃圾？告示牌？ 你话你睇到垃圾。恭喜你，你眼冇事。 你话你睇到告示牌。恭喜你，你冇盲。 咁丢垃圾喺度嘅人唔通系盲嘅？乜见唔到咁大个告示牌栋喺度嘅咩？ - 话知你啦！你话唔准丢喺度就唔丢，咁我咪好冇面？ - 人哋都丢喺度咯，多我一个唔多觉啫！ - 以前一路嚟都丢喺度嘎啦，点解依家唔准丢啊？睬你都傻啊！ - 日日啲垃圾都堆到小山丘咁高都冇事，都冇人嚟警告嚟罚款，个告示牌如同垃圾一样，有等于冇，驶乜惊啊？照丢也可。 佢哋唔系眼有事，只系心态上有问题啫，一般市民都系咁嘎啦，人情冷暖，对社会环境漠不关心，可能包括你同我在内都唔定嘎！有几个真系咁照顾环境啊？如果系嘅话，今时今日嘅地球就唔会咁阴公啦！高烧不退不突止仲要日日流鼻水， 甩头发，皮肤病兼有臭狐。 唉！睇住嚟啦！迟啲个个都会得到呢种传染病嘎啦！善哉善哉。。。

朋友最近又受情伤了，唔止一个而系两个朋友啊。一齐只得嗰3个月就爱得要生要死，戒咗烟嘅又食返烟，日思夜想，眠干睡湿，日日都似耶稣受难日。安慰又安慰过了，劝又劝过了，都唔知要点安慰点劝至好，唯有陪佢，只听佢倾诉唔畀任何意见，因为你嘅意见对佢嚟讲系冇效果嘎，佢始终觉得你唔会了解佢嘅感受，唔会体会到佢嘅痛，所以你讲乜都冇用，借佢耳仔就最好嘎啦！ 今日睇到嗰故仔好有意思，觉得可以同佢哋两个分享下。 “一个苦者找到一个和尚倾诉他的心事，他说：我放不下一些事，放不下一些人。和尚说：没有什么东西是放不下的。他说：这些事和人我就偏偏放不下。和尚让他拿着一个茶杯然后就往里面倒热水，一直到水溢出来，苦者被烫到马上松开了手。和尚说：这个世界上没有事是放不下的，痛了，你自然就会放下。” 简单而让人深思嘅一个故仔。 一生从未失恋过嘅人系幸福的，就似系走在布满荆棘嘅路上，却一次都冇被刺伤过；一生失恋过好多次嘅人也是幸福的，就似系喺荆棘林中伤痕累累之后，终于发现咗通往林外嘅道路。人都可以系幸福的，心态变好咗，喺坏事里面都可以睇到转机。 朋友，希望你好快会冇事，鸟语花香嘅明天等着你开始。