不会留恋2010

话咁快就到咗2010年嘅最后一日了。

我唔喜欢2010年，因为无情嘅虎爷带走咗我爸爸，令到美满嘅家庭拼图永远都却少一块，唔再美满，唔再完整。爸爸走了，但系孙女就喺爸爸100日果日出世，走咗一个又补返一个，人数系冇变，但系事实变咗就系变咗。

今年嘅我自闭好似好严重咗，锁自己喺房唔出门嘅时间越来越长。情绪反复无常，时而异常兴奋 ，时而沉默寡言，阴晴不定。宁愿封锁自己都唔愿出嚟去吓襯人。

爸爸嘅离去令到我更加跌入万丈深渊，因为系大仔，好多嘢需要我去做决定，去担当。崩溃嘅情绪唔可以表现喺块面度，只可以收埋喺心里面嘅夹万度。我原本就系嗰优柔寡断兼忧郁嘅人，心理负担好大。

2010年终于都结束了，我一啲都唔留恋。